Eden Business Center yahiye zimwe mu nkoko zirapfa

Mu gihe mu cyumweru gishize humvikanye ubushyamirane hagati y’ikigo Eden Business Center n’abafatanyabikorwa bacyo borora inkware, kuri uyu wa 11 Mutarama 2016 cyibasiwe n’inkongi y’umuriro.

          Ikigo Eden Business Center cyorora inkware n’inkoko kibasiwe n’inkongi zimwe mu nkoko zirapfa

Umwe muri bo wari uryamye hafi y’umuryango, ati “Nagiye kubona mbona mugenzi wanjye arambyukije kuko njye nari ndwaye, mbona imyotsi myinshi yaturukaga hasi muri kave, ariko mbere yaho umuriro wari wabanje kugenda”.

Mugenzi we umurara hafi, na we ahamya ko umwotsi waturutse hasi kuko nta wundi muriro wari ucanye muri iki kigo . Ngo n’urugi rw’umuryango rwari rukinze ni bo bakinguye batabaza abandi bakozi. Na we akeka ko ari amashanyarazi yahatwitse kuko yari yabanje kujya agenda akagaruka.

Nubwo aba bakozi bakeka ko inkongi yatewe n’amashanyarazi, Umuyobozi wa Eden Business Center, Dr. Rekeraho Emmanuel, abihakana avuga ko umuriro wazanywe n’umuntu waturutse hanze y’ikigo, washakaga kumuteza igihombo kugira ngo azabure uko yishyura aborozi b’inkware agomba gushumbusha inkoko.